Impressionen der Hauptübung

OLDIES

2. TEIL

VERABSCHIEDUNG

Hansi und Roberto mit Rückblick

 Euse Urs

34 Jor bi de Füürwehr Speuz  debii,

das esch secher ned emmer eifach gsii

Devo schtaht er 23 Jahr z'forderscht vor ,

secher het er au wäge dem s'paar graui Hoor!

34 Johr im Füürwehrläbe,

sesch klar, do got secher emol öppis dernäbe!

öber die verschedene Gschechte

 wänd mer zwöi jetzte brechte!

S’ Reglemänt

Gar mängi Stond de Ürsu am Fürwehrreglement het gschribe, es isch im i der Ziit gar kei Freiziit blibe.

Wonderbar, alles klipp ond klar, so muess es si, das isch wahr. 20 Site het das Reglemänt enthalte, em Tschirri Max macht das tüuffi Sorgefalte. Das sowieso en seich, do gömmer au schnell wiiter, de Max hets abe frisiert of ei Siite. De kommender ofs gröbschti arg brüskiert, ond sis Reglement erscht no vollgas zrog kaschtriert. Drom wot är derzu nüt me säge, s’isch jo glich nor im Schublädli inne gläge.

 s’Budget                                                               

Sötsch chlii Material för d'Mannschaft ha,

do het so mänge Gmeindroot e anderi Meinig gha.

So Sitzige send en Chrampf!

Aber schlossäntlech  het's sech glohnt de Kampf

Wenn de Henzmee denn esch e wäg, so tüend d'Scheffe dänke,

Chöne mer is denn die hartnäckiqe Sitziqe schänke.

Vo dämm allem esch aber nüüt z'welle,

de Sigi wird ech i Zuekunft de genau gliich Zöndig ischtelle!

S’ Markezeiche

A de Üebige düemer eus immer voll ichleide, i dere Hitz chönnts eim fasch verleide. Helm, Händsche, Brandschotzhose ond au Jagge, ond immer drof en huere Zagge. De Schweiss lauft, ond wot nöm ufhöre rinne, mängisch hesch s’Gfühl die sieche spinne. En Tenueerliechterig chonnt ned i frog, denn nor so weisch wies im Ernstisatz got. Das tüemer so au akzeptiere, bes de Kommandant öbere Üebigsplatz chont spaziere. Der eint oder ander glaubt, hey bi ni de bsoffe, kei Händsche Helm ond Brandschutzjagge au no offe. Das isch im Urs sis Markezeiche gsi, bem Märku aber isch das denn verbii.

 d'Stötzeleitere

Wo ghoblet wird, do falle jo bekanntlech Spööhn                          

 vo Süüde här do bloost de Föön.

Paar Naase verhalte sech wie Emanze

scho liit die Stötzeleitere am Ranze!

D' Leitere kapott, Gottloob keim Mönsch öppis passiert,

d'Schadechöschte natüürli vo de Versecherig kassiert.

 Im lisatz

Seg's es Wäschpinäscht im  Eschtrech obe,                 

Chälbli vom Stucki im Eicheberger-Pool am Obe!

Oder e chliine Autobrand,

de Urs esch fasch immer als Erschte zur Hand!

Wie gseit s'Ziiel esch immer de schnällschti sii,

Aber einisch esch das ned eso gsii.

De Alarm esch use "Brand im Eggtandli",

als erschti send dete "d'Chöttiger Füürwehrmandli"!

Mödeli

De Urs en korrekte Ma, doch au är het sini chline Fähler gha. Offizier die chönnte es Liedli singe, wenn si ame en Üebig händ müesse bringe. Stondelang händ se die Üebig vorbereitet, am Schloss het si de Ürsu gleitet. Immer weder het är dezue no öppis müesse säge, de Offizier send ame platzt, fasch ihri stramme Chräge. Au im Ernstisatz a de Front het är sech ned lo lompe ond isch ame säuber is Füür go umegompe. Ned immer ganz nach Reglement sini Arbet gmacht, stöhrt jo niemer das wär glacht. Ond meint jetzt eine är muess glich afo lache, de söll före cho ond’s besser mache.

Dies ond das

I dene 23 Jahr als Kommandant het mer ned nor Frönde, dromm het mer em eint oder andere müesse chönde. Segs wäge Nid oder desintresse, s’Baumgärtli het ne gar welle frässe.

Als Fahnder vom Fürtüfel het är sech au bewährt, ond so eus weder ruhigi Nächt beschärt.Nacht för nacht got är go Luure ond ahocke, ond lit ned de heime of de fule Socke. Fasch im Alleigang verhaftet är de Schelm, als chline Dank gets do dä schöni Helm.

Fürwehrreis

Viva Jtalia het Fürwehrreis 01 g’heisse, de Luigi euse Tschingg duet si schmeisse. Nebst vel Lache ond guet frässe, het mer au g’soffe, das wärde es paar ned vergässe. De Kommandant abfölle, das isch im Weber si Plan, de Ürsu gets sech do gar kei Scham. Met Bier düend’s sis gar ned erscht probiere, Grappa muess häre zom degustiere. De Weber ond co.die fönd nach e me Liter scho afo Lalle, im Kommandant fots jetzt erscht afo gfaue. Aber au de Urs bechonnt met de Ziit en Schwäri Zonge, die andere se wiiter, si chotze bereits ihri Longe.

Am andere Morge g’sesch si denn zom Car häre schliche, chönsch meine es handlet sech do om Liche.

Damet der s’nöchscht mol ned so vel chopfweh müend erträge, hauet doch vor is Bett go do die Alka- Celcer id Mäge.

 s' Hochziit

No eis das wämmer ned vergässe,                                              

d' Söuv ond de Urs hocke a erem Hochziitsässe

Aber halt! Fömer vore a, wie gseit die beide händ Hochziit gha,

 Ned vorem Pfarrer het de Ürsu am meischte Ängschtli gha.

Nei Kamerade vo de Füürwehr send das gsii,

Wäge dene escher i de Chele so fescht närvös ond chrebelig gsii.

Denn d'Söuf ond de Urs händ es frösch renovierts Huus,

de Gedanke was do chönt goo, schöttlet si es esch e Gruus.

D'Füürwehrlüt die händ öppis im Sinn,

wänd secher d'Hochzitsnacht verdärbe inne drinn.

Doch de Kommänder wot sech ned blamiere,

tuet s' ganze Hüsli vo obe bis abe verbarrikadiere.

Det ine cho esch wörkli ned eifach gsii,

gottlob aber esch de chlii Hansbattli au debii.

Er gseht e schance öbers Dach,                          

rdet obe isch no nid alles definitiv vermacht,

För d' Füürwehr also esch das kei Sach

Sie schtiige i, halt öbers Dach.

Wo denn s' fröschvermählte Paar hei esch cho,

 händ's de fascht e Kriise öberchoo

 Nüt esch me gsii wie det wo si s' Huus händ verloo

 Schlüüch im Gang ond oms Näscht gsänd sie doo.

Sogar zwösche de Latte ond i de Schiissi luege Schlüch ene entgäge,

sie händ glaubt, dass sie das nie wärde öberläbe.

Doch klar esch d'Fröid för die überraschig grösser

als d' Arbet wos qet, das Puff weder z'entblösse.

Silvia

34 Johr Fürwehr mer chönnt no vell vell brechte, mer dänke aber a Familie wo of ihn hent müesse verzechte. D’Silvia bsonders wet e mer do erwähne, sesch die met de lange blonde Mähne. Schrib das , mach dies ond deiss au d’Silvia isch für eus Nummer Eis. En huffe Sache het si für eus organiesiert, ond derbi kei Lohn kassiert.

Als chline Dank gets do dä Bäse, sorry, de König Sämi het ne usgläse.

 Jetz esch schloss

Ja Kammänder das esches denne gsii,

ändi Jahr esch dini Füürwehrkarriere verbii                    

Aber glaub öis, au als Oldi denne,                                    

tüend mer dech de no kenne!

Mer näme e zönftige Schluck usem Glas,

URS, auf wiedersehen! das war's!                   

Danke Max, Markus, Hansjörg, Roberto und Oldies!

F.A.

  zurück ins Archiv                                                       

 Letzte Aktualisierung: 19.01.2010                                                                                                       copyright by feuerwehrerlinsbach 2010   web: s. brechbühl